“İlin Uğur Personası-2023”

Ulu Öndər Heydər Əliyevin 100 illik yubileyi və Milli Tele Radio günü ilə əlaqədar “Mətbuat” firması tərəfindən təşkil edilən Persona mükafatlandırma mərasimində “AzərSüd” markamız 2023-cü ildə Ölkənin qida sektorunda və sağlam qidalanmada müstəsna xidmətlərinə görə “İlin Uğur Personası” Mükafatına layiq görülmüşdür.

“Mükəmməl Dad” mükafatı 2021

Dünyanın dad analizi üzrə öndə gedən təşkilatlarından biri olan “Beynəlxalq Ləzzət İnstitutu” (International Taste Institute) 2021-cı ildə dünyanın tanınmış markalarının iştirakı ilə mükafatlandırma mərasimini yenə Belçikanın paytaxtı Brüssel şəhərində keçirmişdir. Yüksək keyfiyyətini və mükəmməl dadını bir daha təsdiq edən “AzərSüd” markamız qeyd olunan təşkilat tərəfindən “Mükəmməl Dad” mükafatına bir daha layiq görülmüşdür. “AzərSüd” markamız bu mükafatı ikinci dəfə alaraq bizə bu qüruru yenidən yaşatdı. Bu qürur bizim, bu qürür hamımızındır!

İlin Süd Markası

Azərbaycanın aparıcı xəbər portalı olan “Day.az” tərəfindən keçirilən ənənəvi “Xalq Seçimi” sorğusunun qalibləri təyin edilərək, müxtəlif sahələrdə xalq səsverməsi ilə təltif edilmişdir. Qaliblər sırasında “AzərSüd” markamız da yer almışdır. Belə ki, “AzərSüd” səsvermə nəticələrinə əsasən “İlin Süd Markası” seçilmişdir. Bu nəticə “AzərSüd”ün təbiiliyini qoruyaraq insanların sevimli süd və süd məhsulları markasına çevrilməsini əks etdirir.

“Caspian Business Award 2021”

“AzərSüd”ün yüksək keyfiyyətli məhsulları yeni mükafata layiq görülməklə özünü bir daha sübut etdi. Belə ki, “Caspian Energy Club” təşkilatı tərəfindən məhsullarımız yüksək qiymətləndirilib və “AzərSüd” markamız “İlin süd məhsulları istehsalçısı” nominasiyasında mükafatla təltif olunub. Bu da təbii olaraq “AzərSüd” məhsullarının yüksək keyfiyyətə malik olmasının göstəricisidir.

“Mükəmməl Dad” mükafatı

Dünyanın dad və keyfiyyət analizi üzrə öndə gedən təşkilatlarından biri olan “Beynəlxalq Ləzzət və Keyfiyyət İnstitutu” (İnternational Taste & Quality Institute) 2016-cı ildə dünyanın tanınmış markalarının iştirakı ilə mükafatlandırma mərasimini Avropanın paytaxtı hesab olunan Brüssel şəhərində keçirmişdir. Yüksək keyfiyyətini və mükəmməl dadını bir daha təsdiq edən “AzərSüd” markamız qeyd olunan təşkilat tərəfindən “Mükəmməl Dad” mükafatına layiq görülmüşdür. Dad, qoxu və keyfiyyət göstəriciləri ilə yüksək xal toplayaraq “AzərSüd” dünya mükafatını Azərbaycana gətirən ilk və tək süd markası olmuşdur.

"Worldfest Silver Remi" mükafatı

Balacaların sevimli markası “Super Milky” məhsulları kimi keyfiyyətli reklam işləri ilə də gündəmdədir. Belə ki, “Super Milky” üçün hazırlanan reklam filmi Amerikanın Texas ştatının Houston şəhərində keçirilən 48-ci Qida Məhsulları Film Festivalında iştirak etmişdir. Bu kateqoriyada “Super Milky” animasiya reklam filmi “Worldfest Silver Remi” mükafatına layiq görülmüşdür.